Landslag í einhverri mynd er allt í kringum okkur enda við svo að segja óaðskiljanlegur hluti þess.  Margir tengja orðið landslag við náttúru eða umhverfi sem virðist laust við mannleg áhrif.  Þetta er afar þröng skilgreining því það má setja í miklu víðara samhengi.   Langflestir búa til að mynda í manngerðu landslagi. 

Formgerð þéttbýliskjarna er ekki síður mikilvæg en útlit bygginganna sem hann mynda.   Byggingaarkitektúr einn og sér er of takmarkaður til að leysa vandamál  eða sem lausn við ákveðinni spurningu.  Góður byggingaarkitektúr tekur mið af nágrenni sínu sem ætti að hafa skýrt afmörkuð rými til almenningsnota (t.d. götur, torg og almenningsgarða).  Hins vegar má í raun einnig snúa þessu við, götur, torg og almenningsgarðar verða ekki til nema í rýmum sem ákveðin fjöldi bygginga skapar.  Það er því ljóst að hér þurfa hlutir að ganga saman í báðar áttir.  Að því vill MFF vinna.   Fagurfræðileg nálgun er eitt mikilvægasta atriðið í þessu sambandi ásamt sterkri sýn á þróun til framtíðar. 

Styrkur MFF liggur í getu til þess að vinna hvort sem er í stórum eða smáum mælikvörðum.   Við skipulags og hönnunarvinnu skiptir máli að geta lesið kosti og galla umhverfis og setja í viðeigandi samhengi.  Heildaryfirsýn næst aðeins með réttri greiningu á því sem fyrir er, þá tillögu að nýju prógrammi, síðan hönnun og framkvæmdum. 

Stíll MFF er fjölbreyttur, stundum klassískur, stundum táknrænn og stundum afar nútímalegur.  MFF forðast kreddur og ávallt er reynt að missa ekki sjónar af þeim markmiðum sem sett eru.  MFF berst fyrir gæðum ekki málamiðlunum.  Öðru fremur þá er stöðug sjálfsgagnrýni á það sem teiknað er, þrautsegja og nákvæmni sterkustu vopnin til þess að ná fram settum markmiðum.